Хумира® (40 мг/ 0,4 мл)

Хумира®

Адалимумаб

Тері астына енгізуге арналған ерітінді

бір шприцтің (0.4 мл) ішінде:

белсенді зат - адалимумаб 40,0 мг,

қосымша заттар: маннитол, полисорбат 80, инъекцияға арналған су.

Мөлдір түссіз немесе сарғыштау ерітінді.

Ісікке қарсы препараттар және иммуномодуляторлар. Иммуносупрессанттар. Альфа-ісіктердің некроз факторы тежегіштері. Адалимумаб.

АТХ коды L04AB04

Фармакокинетикасы

Сіңірілуі және таралуы

Адалимумабтың бір реттік 40 мг дозасын тері астына енгізгеннен кейін, қан сарысуындағы ең жоғарғы концентрациясына енгізгеннен кейін шамамен 5 күннен соң жете отырып, баяу сіңірілуі мен таралуы байқалды. Адалимумабтың үш зерттеу деректердің негізінде есептелген бір реттік 40 мг дозасын тері астына енгізгеннен кейінгі орташа абсолюттік биожетімділігі 64% құрады. 0,25-тен 10 мг/кг дейінгі ауқымдағы бір реттік дозаларын вена ішіне енгізгеннен кейін, концентрациялары дозасына пропорциональді болды. 0,5 мг/кг (~40 мг) дозасын енгізгеннен кейін клиренсі 11-ден 15 мл/сағатқа дейінгі шекте болды, таралу көлемі (Vss) 5-тен 6 литрге дейінгі шекте, ал жартылай шығарылуының орташа терминальді фазасы екі аптаға жуық болды. Адалимумабтың синовиальді сұйықтықтағы концентрациясы ревматоидтық артриті бар бірнеше пациентте қан сарысуындағы концентрациясына қатысты 31-ден 96%-ға дейінгі шекте ауытқып тұрды.

Адалимумабтың 40 мг дозасын екі аптада бір рет тері астына енгізгеннен кейін ревматоидтық артриті (РА) бар ересек пациенттерде орташа ең төменгі тепе-теңдік концентрациясы 5 мкг/мл жуықты (метотрексатпен қатарлас емдеусіз) және сәйкесінше 8-ден 9 мкг/мл дейінді құрады (метотрексатпен қатарлас емдеуде). Адалимумабтың ең төменгі тепе-теңдік деңгейі 20, 40 және 80 мг дозаларын екі аптада бір рет және аптасына бір рет тері астына енгізгеннен кейін дозасына пропорциональді дерлік артқан.

24 мг/м2 дозасын (ең жоғарғы 40 мг дозасына дейін) екі аптада бір рет тері астына енгізгеннен кейін ювенильді идиопатиялық артриті (ЮИА) бар, 4 жас пен 17 жас аралығындағы пациенттерде адалимумабтың қан сарысуындағы орташа ең төменгі тепе-теңдік концентрациясы (20 - 48 апталар аралығында өлшенген мәндері) адалимумабты метотрексатпен қатарлас емдеусіз қолданғанда 5,6 ± 5,6 мкг/мл құрады (ауытқу коэффициенті (АК) 102%) және метотрексатпен қатарлас емдегенде 10,9 ± 5,2 мкг/мл (ауытқу коэффициенті 47,7%) құрады.

ЮИА бар, 2 жас пен 4 жас аралығындағы немесе 4 жас шамасындағы және одан үлкен, дене салмағы <15 кг, адалимумабты 24 мг/м2 дозада қабылдаған пациенттерде адалимумабтың қан сарысуындағы орташа ең төменгі тепе-теңдік концентрациясы адалимумабты метотрексатпен қатарлас емдеусіз қолданғанда 6,0 ± 6,1 мкг/мл (АК 101%) және метотрексатпен қатарлас емдегенде 7,9 ± 5,6 мкг/мл (АК 71,2%) құрады.

24 мг/м2 дозасын (ең жоғарғы 40 мг дозасына дейін) екі аптада бір рет тері астына енгізгеннен кейін энтезитпен астасқан артриті бар, 6 жас пен 17 жас аралағындағы пациенттерде адалимумабтың қан сарысуындағы орташа ең төменгі тепе-теңдік концентрациясы (24-ші аптада өлшенген мәндері) адалимумабты метотрексатпен қатарлас емдеусіз қолданғанда 8,8 ± 6,6 мкг/мл және метотрексатпен қатарлас емдегенде 11,8 ± 4,3 мкг/мл құрады.

Псориазы бар ересек пациенттерде орташа ең төменгі тепе-теңдік концентрациясы екі аптада бір рет 40 мг адалимумабпен монотерапия кезінде 5 мкг/мл құрады.

Іріңді гидрадениті бар пациенттерде Хумира® препаратының 0-ші аптада 160 мг және содан соң 2-ші аптада 80 мг дозасын енгізгенде адалимумабтың қан сарысуындағы шамамен 7-ден 8 мкг/мл дейінгі ең төменгі концентрациясына 2 және 4 аптада қол жеткізілді. 12-ші аптадан 36-шы аптаға дейін орташа ең төменгі тепе-теңдік концентрациясы аптасына бір рет 40 мг мөлшердегі адалимумабпен емдегенде 8–10 мкг/мл жуықты құрады.

Іріңді гидрадениті бар пациенттер аптасына бір рет 40 мг адалимумаб қабылдады. Барлық популяциялардағы орташа экспозиция 762 күнді құрады. Барлық үш зерттеуде пациенттер жергілікті антисептикалық дәріні күнделікті қолданды. Хумира® препаратын үздіксіз апта сайын қолдану үшін рандомизацияланған пациенттер арасында HiSCR жалпы көрсеткіші 12-ші аптада 96 аптаға дейін ұсталды. 96 апта бойы аптасына бір рет 40 мг мөлшердегі Хумира® препаратымен ұзақ емделу қауіпсіздік бойынша жаңа деректер анықтамады.

Хумира® препаратының 160 мг индукциялық дозасын 0-ші аптада және содан соң 80 мг Хумира® препаратын 2-ші аптада енгізгенде адалимумабтың қан сарысуындағы (12 мкг/мл жуық) ең төменгі концентрациясына индукция кезеңі ішінде қол жеткізілді. 7 мкг/мл жуық орташа ең төменгі тепе-теңдік деңгейі Крон ауруы (КА) бар, Хумира® препаратының 40 мг демеуші дозасын екі аптада бір рет қабылдаған пациенттерде байқалды.

Бала жастағы, ауырлық дәрежесі орташа немесе ауыр КА бар пациенттерде адалимумабтың ашық енгізілген индукциялық дозасы ≥40 кг немесе <40 кг дене салмағына байланысты, 0 және 2 апталарда сәйкесінше 160/80 мг немесе 80/40 мг құрады. 4 аптада пациенттер стандартты дозаларымен демеуші ем тобына (екі аптада бір рет 40/20 мг), немесе дене салмақтарына байланысты, төмен дозаларымен (20/10 мг) екі аптада бір рет емдеу тобына 1:1 рандомизацияланды. Адалимумабтың қан сарысуындағы, 4 аптада қол жеткізілген ең төменгі қалдықтық концентрациясының орташа деңгейі (± стандартты ауытқу), дене салмағы ≥40 кг (160/80 мг) пациенттерде 15,7 ± 6,6 мкг/мл және дене салмағы <40 кг (80/40 мг) пациенттерде 10,6 ± 6,1 мкг/мл құрады.

Рандомизациялаудан кейін емделуді жалғастырған пациенттерде, 52 аптада адалимумабтың орташа қалдықтық (± ОҚ) концентрациясының орташа мәні стандартты дозалары тобында 9,5±5,6 мкг/мл және төмен дозалары тобында 3,5 ± 2,2 мкг/мл құрады. Ең төменгі қалдықтық концентрациясының орташа мәні, адалимумабпен емделуді 52 апта бойы екі аптада бір рет жалғастырған пациенттерде тұрақты сақталып тұрды. Дозасын қабылдау жиілігі екі аптада бір реттен аптасына бір ретке дейін арттырылған пациенттерде, адалимумабтың қан сарысуындағы орташа (± стандартты ауытқу) концентрациясы 52-ші аптада 15,3 ± 11,4 мкг/мл (40/20 мг, аптасына бір рет) және 6,7 ± 3,5 мкг/мл (20/10 мг, аптасына бір рет) құрады.

Ойық жаралы колиті бар пациенттерде Хумира® препаратының 160 мг индукциялық дозасын 0-ші аптада және содан соң 80 мг Хумира® препаратын 2-ші аптада қолданғанда, индукциялық кезең ішінде адалимумабтың қан сарысуындағы 12 мкг/мл жуық ең төменгі концентрациясына қол жеткізілді. Ең төменгі қалдықтық концентрациясының 8 мкг/мл жуық орташа тепе-теңдік мәні ойық жаралы колиті бар, Хумира® препаратының 40 мг демеуші дозасын екі аптада бір рет қабылдаған пациенттерде.

Адалимумабтың  іріңді гидрадениті бар пациенттерге әсері балалардағы (балалардағы псориаз; ювенильді идиопатиялық артрит; балалардағы Крон ауруы; энтезитпен байланысты артрит) басқа қолдану көрсетілімдерімен салыстырғанда фармакокинетикалық деректер негізінде популяциялық фармакокинетикалық модельдеуді және симуляциялауды пайдалану арқылы болжамдалған. Іріңді гидрадениті бар жасөспірімдер үшін екі аптада бір рет 40 мг ұсынылған дозалау графигі ұсынылған 40 мг дозаны апта сайын алатын іріңді гидрадениті бар ересек пациенттерде байқалатын адалимумабтың қан сарысуындағы ұқсас концентрациясын алу үшін болжамдалған.

Шығарылуы

РА бар 1300-ден астам пациенттің деректерінің популяциялық фармакокинетикалық талдауы барысында, дене салмағы артқан кезде адалимумабтың айқынырақ клиренсіне үрдіс анықталды. Салмақ айырмашылықтарын, жынысы мен жасын есепке алғаннан кейін адалимумабтың клиренсіне әсері өте төмен болды. Қан сарысуындағы бос адалимумаб деңгейінің төмендеу (адалимумабқа антиденелер анықталатын пациенттерде адалимумабқа антиденелермен байланыспағаны білінді).

Бауыр немесе бүйрек функциясының бұзылуы

Бауыр немесе бүйрек функциясының бұзылуы бар пациенттерде Хумира® препаратының зерттеулері жүргізілген жоқ.

Фармакодинамикасы

Әсер ету механизмі

Адалимумаб ІНФ-мен селективті байланысады және ІНФ-ға беткейлік жасушалық р55 және р75 рецепторлармен өзара әрекеттесуін бөгеудің есебінен, ІНФ биологиялық функциясын бейтараптандырады.

Сондай-ақ адалимумаб, лейкоциттердің миграциясын тудыратын (IC50 0,1-0,2 нМ мәндері ELAM-1, VCAM-1 және ICAM-1 кезінде) адгезия молекулалары деңгейінің өзгеруін қоса, ІНФ индукциялайтын немесе реттейтін биологиялық жауап реакцияларын модуляциялайды.

Фармакодинамикалық әсері

Хумира® препаратымен емдеуден кейін ревматоидтық артриті бар пациенттерде қабынудың жедел фазалық көрсеткіштері (С-реактивті ақуыз (СРА) бен эритроциттердің шөгу жылдамдығы (ЭШЖ)) деңгейінің және қан сарысуындағы цитокиндер деңгейінің (ИЛ-6) бастапқы мәндерімен салыстырғанда жылдам төмендегені байқалды. Шеміршектің ыдырауы негізінде тіндердің ремодельденуін тудыратын қан сарысуындағы матрикстік металлопротеиназалар (ММР-1 және ММР-3) деңгейі де Хумира® препаратын енгізгеннен кейін төмендеген. Хумира® препаратымен ем қабылдаған пациенттерде, әдетте, созылмалы қабынудың гематологиялық белгілерінің жақсарғаны білінген.

Сонымен қатар СРА деңгейінің жылдам төмендеуі полиартикулярлық ювенильді идиопатиялық артриті, Крон ауруы, Хумира® препаратымен емдеуден кейінгі ойық жаралы колиті мен іріңді гидрадениті бар пациенттерде байқалды. Крон ауруы бар пациенттерде тоқ ішектің қабыну маркерлерін, соның ішінде, ІНФ-α экспрессиясының елеулі төмендеуін экспрессиялайтын жасушалар санының азайғаны білінді. Ішектің шырышты қабығының эндоскопиялық зерттеулері адалимумабпен ем қабылдаған пациенттерде шырышты қабықтың жазылуы белгілерін көрсетті.

Клиникалық тиімділігі мен қауіпсіздігі

Инъекция орнының ауыруы

Хумира® препараты ревматоидтық артрит кезінде қолданылған екі зерттеу барысында ≥18 жас шамасындағы, орташа немесе ауыр дәрежелі белсенді ревматоидтық артриті бар 60 пациент қатысты. Аталған зерттеулерге кірістірілген сәтте пациенттер Хумира® 40 мг/0,8 мл препаратымен ем қабылдап үлгерген және өздерінде инъекция орнындағы ауырсыну сезімдерін визуальді аналогтық шкала (0-ден 10 см дейін) бойынша, орташа алғанда кемінде 3 см деп бағалаған, немесе бұрын биологиялық препараттарды қабылдамаған және Хумира® 40 мг/0,8 мл препаратын қолдануды енді бастаған. Пациенттер екі топқа: Хумира® 40 мг/0,8 мл препараты бір рет енгізілген топқа немесе Хумира® 40 мг/0,4 мл препараты бір рет енгізілген топқа рандомизацияланды. Келесі инъекциясын енгізген күні екі топта да дәрілік түрі керісінше өзгерді. Аталған зерттеулер барысында, Хумира® 40 мг/0,8 мл препаратын қабылдаған топ пен Хумира® 40 мг/0,4 мл препаратын қабылдаған топ арасында инъекция орнындағы ауыруды дозасын енгізгеннен кейін бірден бағалау кезінде статистикалық тұрғыдан маңызды айырмашылық байқалды: ауырсыну сезімдерін бағалаудың орташа мәні визуальді аналогтық шкала (0-ден 10 см дейін) бойынша орташа мәні 3,7 см сәйкесінше 1,2 см-мен салыстырғанда (p<0,001), бұл инъекция орнындағы ауырудың 84%-ға орташа азаюын көрсетті.

Ересектерде

• Орташа ауыр және ауыр белсенді ревматоидтық артритте (монотерапия режимінде немесе метотрексатпен немесе қабынуға қарсы басқа базистік препараттармен біріктіріп). Метотрексатпен біріктірілгенде Хумира® препараты буындардың зақымдануының үдеу жылдамдығын төмендетеді (рентгенографиялық зерттеу мәліметтері бойынша) және функционалдық белсенділігін жақсартады.

• Белсенді псориаздық артритте (монотерапия режимінде немесе метотрексатпен немесе қабынуға қарсы басқа базистік препараттармен біріктіріп).

• Белсенді шорбуынданатын спондилитте.

• Крон ауруында (орташа ауыр немесе ауыр дәрежелі):

• дәстүрлі емге жауап талапқа сай болмағанда, сондай-ақ, дәстүрлі ем көтерімсіз болған немесе қарсы көрсетілімдері болған жағдайда;

• инфликсимаб тиімсіз болған (немесе тиімділігі төмендеген) немесе көтерімсіз болған жағдайда.

• Созылмалы түйіндақты псориазда (орташа ауыр немесе ауыр дәрежелі), жүйелі ем немесе фототерапия көрсетілген, және жүйелі емнің басқа нұсқалары оңтайлы болып табылмаған жағдайда. Хумира® препараты жүйелі ем тағайындалған ересек пациенттерде орташа және ауыр тырнақ псориазын емдеуге арналған.

• Орташа ауыр және ауыр дәрежелі ойық жаралы колитте, кортикостероидтарды және/немесе 6-меркаптопурин немесе азатиопринді қоса, дәстүрлі емге жауап талапқа сай болмағанда, сондай-ақ, дәстүрлі ем көтерімсіз немесе қарсы көрсетілімдері болған жағдайда.

• Рентгенографиялық тұрғыдан расталған шорбуынданатын спондилитсіз, бірақ СРА деңгейінің жоғарылауы және/немесе МРТ деректері бойынша объективті қабыну белгілері болған жағдайдағы аксиальді спондилоартритте, қабынуға қарсы стероидты емес препараттармен емдеуге талапқа сай жауап болмаған немесе олар көтерімсіз болған жағдайда.

• Ересек пациенттердегі ауырлық дәрежесі орташа немесе ауыр, белсенді іріңді гидраденитте, стандартты жүйелі емге талапқа сай жауап болмағанда.

Балаларда

• 2 жастан асқан пациенттердегі ювенильді идиопатиялық артритте монотерапия режимінде немесе метотрексатпен біріктіріп.

• 6 жастан бастап және одан үлкен пациенттердегі Крон ауруында (орташа ауыр немесе ауыр дәрежелі) дәстүрлі емге жауап талапқа сай болмағанда, сондай-ақ, дәстүрлі ем көтерімсіз немесе оған қарсы көрсетілімдер болғанда.

• 6 жастан бастап және одан үлкен пациенттердегі энтезитпен астасқан белсенді артритте, стандартты препараттармен емдеуге жауап талапқа сай болмаса немесе олар көтерімсіз болғанда.

• Дәстүрлі жүйелі емдеуге қанағаттандырмайтын жауаппен 12 жастан асқан жасөспірімдердегі іріңді гидраденит (белсенді орташа және ауыр).

• 2 жастан бастап балалардағы созылмалы инфекциялық емес увеит.

Тері астына.

Хумира® препаратымен емдеу дәрігердің бақылауымен жүргізіледі. Егер дәрігер мұны мүмкін деп тапса, онда теріастылық инъекциялар техникасына тиісінше үйретуден кейін, науқастар препаратты өздеріне өз беттерінше енгізе алады.

Хумира® препаратын тері астына, сан аймағына немесе іш тұсына енгізеді. Енгізер алдында ерітіндіде бөгде бөлшектердің бар-жоқтығын және түсінің өзгермегендігін тексеру керек.

Хумира® препаратын кез келген басқа дәрілік препараттармен бір шприцте немесе құтыда араластырмау керек. Қалған ерітінді мен пайдаланылған материалдарды жойып жіберу керек.

Егер Хумира® препаратының кезекті инъекциясы байқаусызда өткізіліп алса, инъекциясын оны еске түскен бойда бірден жасау қажет. Келесі инъекциясы бұрын жоспарланған кестеге сәйкес жүргізілуі тиіс.

Препаратты қолдануды уақытша, мысалы, хирургиялық араласым алдында немесе күрделі инфекциялық ауру дамыған жағдайда тоқтата тұру қажеттілігі туындауы мүмкін.

Қолда бар деректерге сәйкес, Хумира® препаратымен емдеуді 70 күн бойы немесе одан да көп уақыт бойы тоқтатқаннан кейін оны қайта бастау, қарқындылығы дәл препаратты қабылдауды тоқтатқанға дейінгідей, қауіпсіздік бейіні ұқсас клиникалық жауап тудырған.

Ересектер

Ревматоидтық артрит (РА), псориаздық артрит (ПсА) және шорбуынданатын спондилит (ШС), рентгенографиялық тұрғыдан расталған шорбуынданатын спондилитсіз аксиальді спондилоартрит (аксиал СпА)

Ревматоидтық артриті (РА), псориаздық артриті (ПсА), шорбуынданатын спондилиті (ШС) және рентгенографиялық тұрғыдан расталған шорбуынданатын спондилитсіз аксиальді спондилоартриті бар (аксиал СпА) ересектердегі Хумира® препаратының ұсынылатын дозасы тері астына екі аптада бір рет 40 мг құрайды. Хумира® препаратын тағайындағанда глюкокортикостероидтармен, қабынуға қарсы стероидты емес препараттармен (соның ішінде, салицилаттармен), анальгетиктермен (есірткілік және есірткілік емес), метотрексатпен және ревматизмге қарсы басқа базистік препараттармен емдеуді жалғастыра беруге болады.

Ревматоидтық артриті бар, метотрексатты қабылдап жүрмеген науқастарда қосымша әсеріне Хумира® препаратын аптасына бір рет 40 мг дейін қолданғанда, қолдану жиілігін арттыған кезде қол жеткізуге болады.

Жоғарыда көрсетілген барлық көрсетілімдер бойынша, қолда бар деректерге сәйкес, клиникалық жауапқа әдетте, емдеудің 12 аптасы ішінде қол жеткізіледі. Аталған уақыт кезеңі ішінде емдеуге жауапқа қол жеткізе алмаған пациентте емдеуді жалғастыруды қайта қарастыру керек.

Крон ауруы

Хумира® препаратының Крон ауруы бар ересектер үшін ұсынылатын дозалау режимі – бірінші күні 160 мг (күніне 40 мг төрт инъекциясы немесе екі күн қатарынан күніне 40 мг екі инъекциясы), екі аптадан соң (15-ші күні) – 80 мг, тағы екі аптадан соң (29-шы күні) демеуші дозасын – екі аптада бір рет 40 мг қолдануды бастайды. Хумира® препаратын тағайындағанда аминосалицилаттармен, глюкокортикостероидтармен, және/немесе иммуномодуляторлармен (мысалы, 6-меркаптопурин және азатиоприн) емдеуді жалғастыра беруге болады.

Препаратпен емдеуге жауаптың азайғаны байқалған пациенттер, Хумира® препаратының аптасына бір рет 40 мг дейінгі енгізілу жиілігін арттырудан қосымша әсерін қабылдай алады.

Кейбір пациенттер алғашқы төрт апта ішінде Хумира® препаратымен емдеуге жауап бермеуі мүмкін, алайда емдеуді жалғастыра беру керек, өйткені оң әсеріне 12 апта ішінде қол жеткізілуі мүмкін. Емдеуді тоқтату туралы шешімді, егер пациент аталған кезең ішінде емдеуден әсер алмаған жағдайда қабылдауға болады.

Ойық жаралы колит

Ойық жаралы колиттің орташа ауыр және ауыр дәрежесі бар ересектердегі бастапқы (индукциялық) дозасы бастапқыда 160 мг (дозасын бір күнде төрт инъекциясы түрінде немесе екі күн қатарынан тәулігіне екі инъекциясы түрінде енгізуге болады) және екі аптадан соң 80 мг құрайды. Индукциялық дозасынан кейін ұсынылатын демеуші дозасы 40 мг құрайды, ол жүйелі теріастылық инъекциялары түрінде, екі апта аралықпен енгізіледі. Хумира® препаратымен емдеу кезінде аминосалицилаттармен, кортикостероидтармен және/немесе иммуномодуляторлармен (мысалы, 6-меркаптопуринмен және азатиопринмен) емдеуді жалғастыра беруге болады.

Хумира® препаратымен демеуші ем аясында кортикостероидтардың дозасы ойық жаралы колитті емдеу жөніндегі қолда бар клиникалық нұсқаулықтарға сәйкес, толық тоқтатылуға дейін төмендетілуі мүмкін.

Препаратпен емдеуге жауаптың азайғаны байқалған пациенттер Хумира® препаратының аптасына бір рет 40 мг дейінгі енгізілу жиілігін арттырудан қосымша әсерін қабылдай алады.

Қолда бар деректер клиникалық әсеріне әдетте, емдеудің 2–8 аптасы ішінде қол жеткізілетінін көрсетеді. Хумира® препаратымен емдеуді тек, емдеудің алғашқы 8 аптасы ішінде емдік әсері байқалған пациенттерде ғана жалғастыру керек.

Созылмалы түйіндақты псориаз

Ересек пациенттерге арналған бастапқы дозасы 80 мг құрайды.

Демеуші дозасы – бастапқы дозасынан кейін бір аптадан соң бастай отырып, екі аптада бір рет 40 мг.

Аталған кезең ішінде жауапқа қол жетпеген пациентте емнің 16 аптадан астам уақытқа жалғастырылуын мұқият қайта қарастыру керек.

Белсенді іріңді гидраденит

Іріңді гидрадениті (ІГ) бар ересек пациенттер үшін Хумира® препаратының ұсынылатын дозалау режиміне бірінші күні бастапқы 160 мг (бір тәулік ішінде 40 мг төрт инъекциясын немесе екі күн қатарынан тәулігіне 40 мг екі инъекциясын енгізуге болады) және содан соң 15 күні (екіаптадан соң) — 80 мг (бір тәулік ішінде 40 мг екі инъекциясын енгізу) дозасы кіреді. Екі аптадан соң (29 күні) аптасына бір рет 40 мг дозасын енгізуді жалғастырады. Қажет болған жағдайда, Хумира® препаратымен емдеу кезінде антибиотиктерді қабылдауды жалғастыруға болады. Хумира® препаратымен емдеу кезінде пациенттерге ІГ зақымданған орындарын күн сайын жергілікті антисептикалық затпен жуып-шаю ұсынылады.

Аталған уақыт кезеңі ішінде жақсаруларға қол жетпеген пациенттерде емдеуді 12 аптадан астам уақыт бойына жалғастыруды мұқият қайта қарастыру керек.

Емдеуді уақытша тоқтату қажет болған жағдайда, Хумира® 40 мг препаратын аптасына бір рет қабылдауды қайта бастауға болады.

Ұзақ уақыт бойы емдеуді жалғастырудың пайдасы мен қаупінің арақатынасына жүйелі түрде бағалау жүргізу керек.

Балалар

Ювенильді ревматоидты артрит (ЮРА)

Полиартикулярлы ювенильді идиопатиялық артрит

Полиартикулярлы ювенильді идиопатиялық артриті (ЮИА) бар 2 жастағы және одан үлкен балалар үшін Хумира® препаратының ұсынылған дозасы пациенттің дене салмағына қарай анықталады (1-кесте). Метотрексатты, глюкокортикоидтарды, ҚҚСП және (немесе) ауыруды басатын дәрілерді Хумира® препаратымен емдеу аясында қолдануға болады. Хумира® препараты басқа дозаларда және (немесе) шығарылу түрлерінде қолжетімді болуы мүмкін.

1-кесте. Полиартикулярлы ювенильді идиопатиялық артриті бар пациенттер үшін Хумира® препаратының дозасын анықтау

Полиартикулярлы ЮИА бар 2 жасқа дейінгі және дене салмағы 10 кг төмен балаларда Хумира® препаратын қолдану зерттелмеді.

Қолда бар деректерге сәйкес клиникалық жауапқа әдетте 12 апта емдегенде қол жетеді. Емдеуді тоқтату туралы шешім, егер көрсетілген кезең ішінде емдік әсер белгіленбесе қабылдануы мүмкін.

Энтезитпен астасқан артрит

Энтезитпен астасқан артриті бар 6 жастағы және одан үлкен пациенттер үшін Хумира® препаратының ұсынылған дозасы пациенттің дене салмағына қарай анықталады (2-кесте). Хумира® препараты басқа дозаларда және (немесе) шығарылу түрлерінде қолжетімді болуы мүмкін.

2-кесте. Энтезитпен астасқан артриті бар пациенттер үшін Хумира® препаратының дозасын анықтау

Энтезитпен астасқан артриті бар 2 жасқа дейінгі балаларда Хумира® препаратын қолдану зерттелмеді.

Крон ауруы

Крон ауруы бар 6-17 жас аралығындағы пациенттер үшін Хумира® препаратының ұсынылған дозасы пациенттің дене салмағына қарай анықталады (3-кесте). Хумира® препаратын тері астына енгізеді. Хумира® препараты басқа дозаларда және (немесе) шығарылу түрлерінде қолжетімді болуы мүмкін.

3-кесте. Крон ауруы бар бала жасындағы пациенттер үшін Хумира® препаратының дозасын анықтау

Клиникалық жауап төмендегенде кейбір пациенттер препарат енгізу жиілігін аптасына бір ретке дейін ұлғайтуды керек етуі мүмкін.

12 апта бойы клиникалық жауап байқалмаған пациенттерде емді жалғастыру қажеттілігін қайта қарау керек.

Хумира® препаратын 6 жасқа толмаған Крон ауруы бар балаларда қолдану зерттелмеді.

Балалардағы түйіндақты псориаз

4-17 жас аралығындағы түйіндақты псориазы бар балалар мен жасөспірімдер үшін Хумира® препаратының ұсынылған дозасы пациенттің дене салмағына қарай анықталады (4-кесте). Хумира® препаратын тері астына енгізеді. Хумира® препараты басқа дозаларда және (немесе) шығарылу түрлерінде қолжетімді болуы мүмкін.

4-кесте. Түйіндақты псориазы бар бала жасындағы пациенттер үшін Хумира® препаратының дозасын анықтау

Емдеуді тоқтату туралы шешім, егер 16 апта ішінде емдік әсер белгіленбесе қабылдануы мүмкін.

Егер пациентке Хумира® препаратымен қайта емдеу тағайындалса дозаны таңдау және ем ұзақтығы бойынша жоғарыда келтірілген нұсқауларды сақтау қажет.

Аталған көрсетілім бойынша 4 жасқа дейінгі балаларда Хумира® препаратын қолдану зерттелмеді.

Жасөспірімдердегі (12 жастан бастап, дене салмағы — 30 кг кем емес) іріңді гидраденит

Іріңді гидрадениттен (ІГ) зардап шегетін жасөспірімдердің қатысуымен Хумира® препаратына клиникалық сынақтар жүргізілмеді. Бұл пациенттер үшін Хумира® препаратын қолдану тәсілі фармакокинетикалық модельдеу және симуляциялау негізінде анықталған.

Хумира® препаратының ұсынылған дозасы 0-аптада 80 мг құрайды, әрі қарай — тері астына енгізу жолымен 1-аптадан бастап 40 мг екі аптада бір рет.

Хумира® препаратының екі аптада бір рет 40 мг дозасына қатысты қажетті тиімділікті көрсетпеген жасөспірімдер үшін дозаны апта сайын 40 мг дейін ұлғайту қарастырылуы мүмкін.

Антибиотиктерді қабылдау қажет болғанда Хумира® препаратын қабылдау уақытында жалғастыруға болады. Пациенттерге Хумира® препаратымен емделу уақытында ІГ зақымдануларын күнделікті өңдеу үшін топикалық антисептикалық дәрілер пайдалану ұсынылады.

Егер 12 апта емдеуден кейін пациент жағдайының жақсаруы байқалмаса ұзақтығы 12 аптадан астам ұзақ ем жүргізу туралы мәселені қарастыру керек.

Емді тоқтатқан жағдайда Хумира® препаратын қолдану тиісті тәртіпте жаңартылуы мүмкін.

Препаратты ұзақ мерзімді қабылдау кезінде пайда мен қауіпті мезгіл-мезгіл бағалау қажет.

Хумира® препаратының бұл қолдану көрсетілімі 12 жасқа толмаған балаларда қолданылуын меңземейді. Ювенильді идиопатиялық артриттен (полиартикулярлы ювенильді идиопатиялық артрит және энтезитпен астасқан артрит), балалардағы Крон ауруынан, балалардағы түйіндақты псориаздан, сондай-ақ іріңді гидрадениттен ерекше көрсетілімдер кезінде балалар үшін Хумира® препаратының қауіпсіздігі мен тиімділігі анықталмаған.

Балалардағы увеит

Созылмалы инфекциялық емес увеиті бар 2 жастан бастап пациенттер үшін Хумира® препаратының ұсынылған дозасы төменде көрсетілгендей дене салмағына негізделген (5-кесте). Хумира® препаратын клиникалық бағалау негізінде метотрексатпен немесе басқа да биологиялық емес иммуномодуляциялаушы заттармен біріктіріліп пайдалануға болады.

5-кесте. Созылмалы инфекциялық емес увеиті бар бала жасындағы пацтенттер үшін Хумира® препаратының дозасын анықтау.

< 30 кг пациенттер үшін 40 мг немесе ≥ 30 кг пациенттер үшін 80 мг жүктемелік доза демеуші ем басталғанға дейін бір апта бұрын тағайындалуы мүмкін.

Хумира® препаратының бұл қолдану көрсетілімі 2 жасқа толмаған балаларда қолданылуын меңземейді.

Хумира® препаратының инъекциясын дайындау және жүргізу жөніндегі нұсқауларды картон қорапшаға салынған ақпараттық парақтан қараңыз.

Қауіпсіздік бейініне қысқаша шолу

Хумира® препаратын 60 ай және одан астам уақыты бойы 9035 пациентте базалық, бақыланатын және ашық зерттеулер жүргізілді. Аталған зерттеулерге ревматоидтық артриті, бастапқы және ұзаққа созылатын, ювенильді идиопатиялық артриті (полиартикулярлық ювенильді идиопатиялық артриті және энтезитпен астасқан артриті бар) пациенттер, сондай-ақ аксиальді спондилоартриті (шорбуынданатын спондилиті және рентгенографиялық тұрғыдан расталған белсенді шорбуынданатын спондилитсіз аксиальді спондилоартриті бар), псориаздық артриті, Крон ауруы, ойық жаралы колиті, псориазы және іріңді гидрадениті бар пациенттер кірістірілді. Базалық, бақыланатын зерттеулерге Хумира® препаратын қабылдаған 5839 пациент және плацебо немесе бақыланатын кезең барысында салыстырмалы белсенді препаратты қабылдаған 3551 пациент кірістірілді.

Базалық зерттеулердің салыстырмалы жасырын, бақыланатын бөлігінде емдеуді жағымсыз құбылыстардың себебінен тоқтатқан пациенттердің үлесі Хумира® препаратын қабылдаған пациенттердің арасынан 5,7% және бақылау тобындағы пациенттердің арасынан 5,4% құрады.

Инфекциялар (мысалы, назофарингит, жоғарғы тыныс жолдарының инфекциялары және синусит), инъекция орнындағы реакциялар (эритема, қышыну, қан кету, ауыру немесе ісіну), бас ауыруы және сүйек-бұлшықет аурулары сияқты жағымсыз реакциялар туралы анағұрлым жиі хабарланды.

Хумира® препаратын қолданғанда ауыр жағымсыз реакциялар туралы хабарланды. Хумира® препараты сияқты ІНФ антагонистері иммундық жүйеге әсер етеді, және оларды қолдану организмнің инфекциялар мен обырдан қорғануына ықпалын тигізуі мүмкін. Сонымен қатар, Хумира® препаратын қолданғанда өлімге соқтырған және өмірге қауіп төндіретін инфекциялар (соның ішінде сепсис, оппортунистік инфекциялар және туберкулез), В гепатиті вирусының (ВГВ) қайта белсенділенуі және түрлі қатерлі ісіктер (соның ішінде лейкемия, лимфома және бауыр мен көкбауырдың Т-жасушалы лимфомасы) туралы хабарланды.

Күрделі гематологиялық, неврологиялық және аутоиммундық реакциялар туралы хабарланды. Оларға панцитопенияның, апластикалық анемияның, орталық және шеткері миелинсіздендіргіш құбылыстардың сирек жағдайлары, сондай-ақ қызыл жегі, қызылжегі тәрізді аурулар мен Стивенс-Джонсон синдромы туралы хабарламалар кіреді.

Жағымсыз реакциялардың тізбесі клиникалық зерттеулер мәліметтеріне және тіркеуден кейінгі қолдану тәжірибесіне негізделген, олар төменде 6- кестеде ағзалар жүйелерінің класы және жиілігіне қарай топтастырылған: өте жиі (≥ 1/10), жиі (≥ 1/100 - < 1/10), жиі емес (≥ 1/1 000 - < 1/100), сирек (≥ 1/10 000 - < 1/1 000), белгісіз (қолда бар деректердің негізінде бағалау мүмкін емес). Жиілігіне қарай бөлінген құбылыстардың әр тобында жағымсыз әсерлер ауырлығының азаю тәртібімен келтірілген. Сонымен қатар, түрлі көрсетілімдер кезінде байқалған ең көп жиілік кірістірілген.

6-кесте

* Ашық, кеңейтілген зерттеулерді қоса.

** Сспонтанды хабарламалардың деректерін қоса.\

Белсенді іріңді гидраденит

ІГ бар, Хумира® препаратымен аптасына бір рет ем қабылдаған пациенттердегі қауіпсіздік бейіні Хумира® препаратының белгілі қауіпсіздік бейінімен салыстырымды болды.

Бала жастағы пациенттердегі жағымсыз әсерлері

Тұтас алғанда, бала жастағы пациенттердегі жағымсыз құбылыстар жиілігі мен түрі жағынан, ересек пациенттерде байқалған құбылыстармен ұқсас болды.

Жекелеген жағымсыз реакцияларының сипаттамасы

Инъекция орнындағы реакциялар

Ересектер мен балаларда жүргізілген базалық, бақыланатын зерттеулердің барысында плацебо немесе салыстыру препаратын қабылдаған 7,1% пациентпен салыстырғанда, Хумира® препаратымен ем қабылдаған 12,9% пациентте инъекция орнындағы реакциялар (эритема және/немесе қышыну, қан кету, ауыру немесе ісіну) туындады. Негізінен, инъекция орнындағы реакциялар дәрілік препаратты тоқтатуды қажет еткен жоқ.

Инфекциялар

Ересектер мен балалардағы базалық, бақыланатын зерттеулер барысында, инфекциялардың даму жиілігі Хумира® препаратымен ем қабылдаған пациенттер арасында 1,51/пациент-жылды және плацебо мен белсенді бақылау препаратын қабылдаған пациенттер арасында 1,46/пациент-жылды құрады. Инфекцияларға, негізінен, назофарингит, жоғарғы тыныс жолдарының инфекциялары мен синусит кірді. Пациенттердің көпшілігі Хумира® препаратын қабылдауды инфекция басылғаннан кейін жалғастырған.

Ауыр инфекциялардың туындау жиілігі Хумира® препаратымен ем қабылдаған пациенттер арасында 0,04/пациент-жылды және плацебо мен салыстыру препаратын қабылдаған топтағы пациенттер арасында 0,03/пациент-жылды құрады.

Хумира® препаратының ересектер мен балалардағы бақыланатын және ашық зерттеулері барысында туберкулез (соның ішінде милиарлық және өкпеден тыс) бен инвазивтік оппортунистік инфекциялар (мысалы, диссеминацияланған немесе өкпеден тыс гистоплазмоз, бластомикоз, кокцидиоидомикоз, пневмоцистоз, кандидоз, аспергиллез және листериоз) туралы хабарламаларды қоса, ауыр инфекциялар (соның ішінде, сирек туындаған, өлімге соқтырған инфекциялар) туралы хабарланды. Көп жағдайларда туберкулез емдеу басталғаннан кейінгі алғашқы сегіз ай ішінде туындаған, бұл жасырын аурудың қайталанғанын көрсетуі мүмкін.

Қатерлі жаңа түзілімдер және лимфопролиферациялық бұзылулар

Ювенильді идиопатиялық артриті (полиартикулярлық ювенильді идиопатиялық артриті және энтезитпен астасқан артриті) бар пациенттердегі Хумира® препаратын қолданудың зерттеулері барысында бала жастағы 249 пациент арасында 655,6 пациент-жыл экспозициясында қатерлі ісіктер байқалған жоқ. Қосымша, Хумира® препаратының Крон ауруы бар, бала жастағы 192 пациент арасындағы зерттеуі барысында да 258,9 пациент-жыл экспозициясында қатерлі ісіктер байқалған жоқ. Созылмалы түйіндақты псориазы бар, бала жастағы пациенттердегі Хумира® препаратының зерттеулері барысында бала жастағы 77 пациентте 80,0 пациент-жыл экспозициясында қатерлі ісіктер байқалған жоқ.

Хумира® препаратын қолдануды сынау уақытында 58,4 пациент-жыл ішінде 60 балада увеиті бар балаларда ешқандай қатерлі жаңа түзілімдер байқалмады.

Хумира® препаратының кемінде 12 аптаға созылған базалық зерттеулерінің бақыланатын бөлігі барысында ауырлығы орташа немесе ауыр дәрежедегі белсенді ревматоидтық артриті, шорбуынданатын спондилиті, рентгенологиялық тұрғыдан расталған ШС-сіз аксиальді спондилоартриті, псориаздық артриті, псориазы, іріңді гидрадениті, Крон ауруы және ойық жаралы колиті бар ересек пациенттерде лимфома мен терінің меланомалық емес обырынан басқа, барлық қатерлі ісіктердің репортациялану жиілігі (95% сенімді аралық) бақылау тобындағы 3 194 пациент арасында 1 000 пациент-жылға 6,9 (3,7–12,7) жиілікпен салыстырғанда, Хумира® препаратымен ем қабылдаған 5 041 пациент арасында 1 000 пациент-жылға 6,1 (3,8–9,9) құрады (емдеудің орташа ұзақтығы Хумира® препаратын қабылдайтын пациенттер үшін 4,0 айды және бақылау тобындағы пациенттер үшін 3,9 айды құрады). Терінің меланомалық емес репортациялану жиілігі (95% сенімді аралық) Хумира® препаратымен ем қабылдаған пациенттер арасында 1000 пациент-жылға 9,0 (6,1–13,3), және бақылау тобындағы пациенттер арасында 1 000 пациент-жылға 3,4 (1,4–8,2) құрады. Тері обырының аталған түрлері арасында жалпақжасушалы обырдың репортациялану жиілігі (95% сенімді аралық) Хумира® препаратымен ем қабылдаған пациенттер арасында 1000 пациент-жылға 2,5 (1,2–5,3) және бақылау тобындағы пациенттер арасында 1 000 пациент-жылға 0,7 (0,1–4,9) құрады. Лимфоманың репортациялану жиілігі (95% сенімді аралық) Хумира® препаратымен ем қабылдаған пациенттер арасында 1000 пациент-жылға 0,7 (0,2–2,9) және бақылау тобындағы пациенттер арасында 1 000 пациент-жылға 0,7 (0,1–4,9) құрады.

Аталған зерттеулердің, сондай-ақ ағымдағы және орташа ұзақтығы 3,4 жылға жуық аяқталған ашық, кеңейтілген зерттеулердің 6008 пациент және емдеудің 25446 пациент-жылы кірістірілген бақыланатын бөлігін біріктіргенде, лимфома мен терінің меланомалық обырын қоспағанда, қатерлі ісіктердің репортациялану жиілігі, 1000 пациент-жылға 8,5ке жуықты құрады. Терінің меланомалық емес обырының байқалған жиілігі 1000 пациент-жылға шамамен 9,7, ал лимфома дамуының байқалған жиілігі — 1000 пациент-жылға 1,3-ке жуықты құрады.

2003 жылғы қаңтар мен 2010 жылғы желтоқсан аралығындағы тіркеуден кейін қолдану тәжірибесі барысында, көбінесе ревматоидтық артриті бар пациенттерде, қатерлі ісіктердің тіркелген жиілігі емдеудің 1000 пациент-жылына 2,7-ге жуықты құрады. Терінің меланомалық обыры мен лимфома дамуының тіркелген жиілігі емдеудің 1000 пациент-жылына сәйкесінше 0,2 және 0,3 құрады.

Тіркеуден кейінгі кезең барысында адалимумабпен ем қабылдаған пациенттерде бауыр мен көкбауырдың Т-жасушалы лимфомасы дамыған жағдайлар сирек хабарланған.

Аутоантиденелер

Ревматоидтық артриті бар пациенттердегі клиникалық сынақтар барысында сынақтардың түрлі уақыт нүктелерінде, қан сарысуының үлгілерінде аутоантиденелердің бар-жоқтығы зерттелді. Аталған зерттеулер барысында ядроға қарсы антиденелер титріне жүргізілген тестінің бастапқы теріс нәтижесімен Хумира® препаратымен ем қабылдаған 11,9% пациентте, және плацебо мен белсенді бақылау препаратын қабылдаған 8,1% пациентте, 24-ші аптада оң титрлер тіркелді. Хумира® препаратымен ем қабылдаған 3441 пациенттің екеуінде, ревматоидтық артрит пен псориаздық артриттің барлық зерттеулерінде, алғаш туындаған қызылжегі тәрізді синдромды көрсететін клиникалық белгілер байқалған. Пациенттердің жағдайы емдеуді тоқтатқаннан кейін жақсарды. Пациенттердің ешқайсысында қызылжегілік нефриттің немесе орталық жүйке жүйесі тарапынан симптомдардың дамығаны байқалған жоқ.

Гепатобилиарлық бұзылулар

Хумира® препаратын қолданудың 4 аптадан 104 аптаға дейін ауытқып тұратын бақылау кезеңімен ревматоидтық артриті мен псориаздық артриті бар пациенттердегі III фазадағы бақыланатын зерттеулері барысында АЛТ деңгейінің ≥ 3 × ҚЖШ жоғарылауы Хумира® препаратымен ем қабылдаған 3,7% пациентте және бақылау тобындағы 1,6% у пациентте байқалды.

Хумира® препаратын қолданудың полиартикулярлық ювенильді идиопатиялық артриті бар, 4 жас пен 17 жас аралығындағы және энтезитпен астасқан артриті бар, 6 жас пен 17 жас аралығындағы пациенттердегі III фазадағы бақыланатын зерттеулері барысында АЛТ деңгейінің ≥ 3 × ҚЖШ жоғарылауы Хумира® препаратымен ем қабылдаған 6,1% пациентте және бақылау тобындағы 1,3% пациентте байқалды. АЛТ жоғарылауы жағдайларының көпшілігі метотрексатпен бір мезгілде қолданғанда байқалды. Хумира® препаратының полиартикулярлық ювенильді идиопатиялық артриті бар, 2 жас пен < 4 жас аралығындағы пациенттердегі III фазадағы зерттеуі барысында АЛТ деңгейінің ≥ 3 × ҚЖШ қандай-да бір жоғарылауы байқалған жоқ.

Хумира® препаратын қолданудың 4 аптадан 52 аптаға дейін ауытқып тұратын бақылау кезеңімен Крон ауруы мен ойық жаралы колиті бар пациенттерде III фазадағы бақыланатын зерттеулері барысында АЛТ деңгейінің ≥ 3 × ҚЖШ жоғарылауы Хумира® препаратымен ем қабылдаған 0,9% пациентте және бақылау тобындағы 0,9% пациентте байқалды.

Хумира® препаратын қолданудың Крон ауруы бар, бала жастағы пациенттерде емдеудің 52 аптасына дейін дене салмағына қарай түзетілген индукциялық емнен кейін дозалаудың дене салмағына қарай түзетілген екі режимін қолданудың тиімділігі мен қауіпсіздігін бағалауға арналған III фазадағы зерттеуі барысында, АЛТ деңгейінің ≥ 3 × ҚЖШ жоғарылауы 2,6% (5/192) пациентте байқалды, олардың 4-еуі бастапқыда иммунодепрессанттармен қатарлас ем қабылдаған.

Хумира® препаратын қолданудың бақылау кезеңі 12 аптадан 24 аптаға дейін ауытқып тұратын түйіндақты псориазы бар пациенттердегі III фазадағы бақыланатын зерттеулері барысында АЛТ деңгейінің ≥ 3 × ҚЖШ жоғарылауы Хумира® препаратымен ем қабылдаған 1,8% пациентте және бақылау тобындағы 1,8% пациентте байқалды.

Хумира® препаратын қолданудың түйіндақты псориазы бар бала жастағы пациенттердегі III фазадағы бақыланатын зерттеулері барысында АЛТ деңгейінің ≥ 3 × ҚЖШ жоғарылауы байқалған жоқ.

Хумира® препаратының бақыланатын зерттеулері барысында (бастапқы дозасы 0-ші аптада 160 мг және 2-ші аптада 80 мг, содан соң 4-ші аптадан бастап, аптасына бір рет 40 мг) бақылау кезеңінің ұзақтығы 12 аптадан 16 аптаға дейінгі іріңді гидрадениті бар пациенттерде АЛТ деңгейінің ≥ 3 х ҚЖШ жоғарылауы Хумира® препаратымен ем қабылдаған 0,3% пациентте және бақылау тобындағы 0,6% пациентте байқалды.

АЛТ деңгейінің жоғарылауы бар пациенттердегі клиникалық зерттеулерде барлық көрсетілімдер бойынша симптомдары байқалмаған және көп жағдайларда жоғарылаулар өтпелі болған және жалғастырылған ем аясында басылған. Алайда, тіркеуден кейінгі кезең барысында адалимумабты қабылдаған пациенттерде бауыр жеткіліксіздігі жағдайлары, сондай-ақ, бауыр жеткіліксіздігіне ізашар болуы мүмкін гепатит, соның ішінде аутоиммундық гепатит сияқты бауырдың ауырлығы аз бұзылулары туралы хабарланды.

Азатиопринмен/6-меркаптопуринмен қатарлас емдеу

Крон ауруы бар ересектердегі зерттеулер барысында, Хумира® препаратын азатиопринмен/6-меркаптопуринмен біріктіріп қолданғанда, Хумира® препаратымен монотерапиямен салыстырғанда, жағымсыз құбылыстардың жиілігі жоғарырақ болғаны, атап айтқанда қатерлі ісіктер мен ауыр инфекциялармен астасқан жағымсыз құбылыстардың репортацияланғаны байқалды.

• Адалимумабқа немесе препараттың қандай да бір басқа компонентіне жоғары сезімталдық;

• Белсенді туберкулез немесе сепсис сияқты басқа да ауыр инфекциялар және оппортунистік инфекциялар;

• Орташа-ауыр және ауыр жүрек жеткіліксіздігі (NYHA бойынша III/IV класы).

Ревматоидтық артриті, полиартикулярлық ювенильді идиопатиялық артриті және псориаздық артриті бар, препаратты монотерапия ретінде де, метотрексатпен біріктіріп те қабылдаған пациенттерде Хумира® препаратын қолдануды зерттеулер жүргізілді. Антиденелердің түзілуі монотерапиямен салыстырғанда, Хумира® препаратын метотрексатпен бір мезгілде тағайындағанда төмен болды. Хумира® препаратын метотрексатсыз енгізу антиденелер түзілуінің жоғарылауына, клиренсінің жеделдеуіне және адалимумабтың тиімділігінің төмендеуіне алып келді.

Хумира® препаратын анакинрамен біріктіріп қолдануға болмайды.

Хумира® препаратын абатацептпен біріктіріп қолдануға болмайды.

Инфекциялар

ІНФ антагонистерін қабылдап жүрген пациенттер ауыр инфекциялардың дамуына көбірек ұшырайды. Өкпе функциясының бұзылуы инфекциялардың даму қаупін арттыруы мүмкін. Осыған байланысты, пациенттерді Хумира® препаратымен емдеу басталғанға дейін, емдеу кезінде және емдеу аяқталғаннан кейін инфекциялардың, соның ішінде туберкулездің пайда болуына қатысты мұқият қадағалау керек. Адалимумабтың толық шығарылуы төрт айға дейін созылуы мүмкін болғандықтан, қадағалауды препараттың соңғы дозасын енгізгеннен кейін аталған кезең бойына жалғастыру қажет.

Белсенді инфекциясы, соның ішінде созылмалы немесе орныққан инфекциясы бар пациенттерде Хумира® препаратымен емдеуді инфекция емделмейінше бастамау керек. Туберкулезге ұшырған пациенттерде және туберкулез немесе эндемиялық микоз, мысалы, гистоплазмоз, кокцидиоидомикоз немесе бластомикоз қаупі жоғары аудандарға саяхатқа шыққан пациенттерде емдеу басталғанға дейін Хумира® препаратымен емдеудің қаупі мен пайдасына баға беру керек.

Хумира® препаратымен емдеу кезінде жаңа инфекция дамыған пациенттерді мұқият қадағалау және толық диагностикалық тексеру жүргізу керек. Егер пациентте жаңа ауыр инфекция немесе сепсис дамыса, Хумира® препаратын енгізуді тоқтату, және сәйкесінше микробқа қарсы немесе зеңге қарсы емді бастап, инфекция емделгенше жүргізу керек. Дәрігерлер қолдану мүмкіндігін қарастырғанда Хумира® препаратын анамнезінде қайталанатын инфекциясы бар пациенттерде немесе инфекциялардың дамуына бейім жағдайлар бар, соның ішінде қатарлас иммунодепрессанттардың қолданылуы болса, сақтық танытуы тиіс.

Ауыр инфекциялар

Хумира® препаратын қабылдаған пациенттерде ауыр инфекциялардың, соның ішінде бактериялық, микобактериялық, инвазивтік зеңдік, паразиттік, вирустық немесе басқа оппортунистік инфекциядан, мысалы, листериоздан, легионеллезден және пневмоцистоздан туындаған сепсис жағдайлары туралы хабарланған.

Клиникалық зерттеулер барысында байқалған басқа ауыр инфекцияларға пневмония, пиелонефрит, сепсистік артрит және септицемия кіреді. Инфекцияның дамуымен байланысты ауруханаға жатқызылған немесе өлімге соқтырған жағдайлар туралы хабарланды.

Туберкулез

Хумира® препаратын қабылдаған пациенттерде туберкулез, соның ішінде туберкулездің қайта белсенділенген және жаңа дамыған жағдайлары туралы хабарланды. Хабарламаларға өкпенің немесе өкпеден тыс, яғни диссеминацияланған туберкулез жағдайлары кірді.

Хумира® препаратымен емдеуді бастағанға дейін барлық пациентте белсенді немесе белсенді емес («жасырын») туберкулездің бар-жоқтығына бағалау жүргізу керек. Бұл бағалауға пациенттің анамнезіндегі туберкулезді толыққанды медициналық бағалау немесе осының алдында туберкулездің белсенді түрі бар адамдармен байланыста болу мүмкіндігі және осының алдындағы және/немесе ағымдағы иммунодепрессанттармен емдеу кірістірілуі тиіс. Барлық пациенттерге сәйкесінше скринингілік тестілерді (атап айтқанда, терінің туберкулиндік сынамасы мен кеуде қуысының рентгенін) жүргізу қажет (жергілікті ұсынымдарды қолдануға болады). Жүргізілетін емшаралар мен аталған тестілердің нәтижелерін пациенттің жеке карточксасына тіркеп қою ұсынылады. Ем тағайындайтын дәрігерлер, әсіресе, аурудың ауыр түрі бар немесе иммунитеті әлсіреген пациенттерде терінің туберкулиндік сынамасының жалған теріс нәтижелерінің қаупін есте ұстауы тиіс.

Егер белсенді туберкулез диагнозы қойылса, онда Хумира® препаратымен емдеуді бастамау керек.

Жоғарыда сипатталған барлық жағдайларда емнің пайда/қауіп арақатынасын өте мұқият бағалау керек.

Жасырын туберкулезге күдік болған жағдайда, туберкулезді емдеуде тәжірибесі мол дәрігермен кеңесу керек.

Жасырын туберкулез диагнозы қойылған жағдайда, Хумира® препаратын қолдануды бастағанға дейін және жергілікті ұсынымдарға сәйкес туберкулезге қарсы сәйкесінше профилактикалық ем жүргізу қажет.

Сонымен қатар, туберкулезге жүргізілген тестінің теріс нәтижесіне қарамастан, туберкулез дамуының бірнеше немесе елеулі қауіп факторлары бар пациенттерде, сондай-ақ бұрын анамнезінде жасырын немесе белсенді туберкулез болған, талапқа сай емдеу курсы жүргізілгенін растау мүмкін емес пациенттерде Хумира® препаратын қолдануды бастағанға дейін туберкулезге қарсы профилактикалық ем жүргізу керек.

Туберкулездің профилактикалық еміне қарамастан, Хумира® препаратымен ем қабылдаған пациенттерде туберкулездің қайта белсенділенген жағдайлары білінді. Белсенді туберкулезді емдеуден сәтті өткен кейбір пациенттерде Хумира® препаратымен емдеу кезінде туберкулездің қайта дамығаны байқалды.

Пациенттерге Хумира® препаратымен емдеу кезінде немесе емдеуден кейін туберкулез инфекциясын білдіретін белгілер/симптомдар (мысалы, үздіксіз жөтелу, қажу/дене салмағының төмендеуі, субфебрильді дене температурасы, сылбырлық) пайда болған жағдайда, медициналық көмекке жүгіну жөнінде нұсқаулар берілуі тиіс.

Басқа оппортунистік инфекциялар

Оппортунистік инфекциялар, соның ішінде инвазивтік зең инфекциялары Хумира® препаратын қабылдаған пациенттерде байқалған. Бұл инфекциялар ІНФ антагонистерін қабылдаған пациенттерде үнемі тиісінше анықталып отырған жоқ, бұл сәйкесінше емді тағайындаудың кідіруіне, ал кейде өлімге алып келді.

Қызба, дімкәстану, дене салмағының төмендеуі, тершеңдік, жөтел, ентігу және/немесе өкпе инфильтраттары сияқты белгілері мен симптомдары бар, немесе қатарлас шокпен және онсыз жүретін басқа күрделі жүйелі аурулары бар пациенттерде, инвазивтік зең инфекциясының дамуына күдіктену керек және Хумира® препаратын енгізу тез арада тоқтатылуы тиіс. Аталған пациенттерде диагностикалау мен зеңге қарсы эмпирикалық емді, инвазивтік зең инфекциясы бар пациенттерді емдеуде тәжірибесі бар дәрігермен кеңескеннен кейін жүргізу қажет.

B гепатитінің қайта белсенділенуі

B гепатитінің қайта белсенділенуі ІНФ антагонистерін, соның ішінде Хумира® препаратын қабылдаған және осы вирустың созылмалы тасымалдаушылары болып табылатын (яғни, беткейлік антигенге оң нәтиже) пациенттерде байқалды. Кей жағдайлар өліммен аяқталған. Хумира® препаратымен емдеуді бастар алдында пациенттерге ВГВ инфекциясына тест жүргізу қажет. B гепатитінің инфекциясына жүргізілген тест оң нәтиже берген пациенттерге ВГВ емдеуде тәжірибесі бар дәрігердің кеңесі ұсынылады.

Хумира® препаратымен емдеуді қажет ететін ВГВ тасымалдаушыларында барлық емдеу кезеңі бойына және емдеу тоқтатылғаннан кейін бірнеше ай бойы белсенді ВГВ инфекциясының белгілері мен симптомдарының бар-жоқтығын мұқият қадағалау қажет. ВГВ тасымалдаушылары болып табылатын пациенттерді ВГВ қайта белсенділенуінің профилактикасына арналған ІНФ антагонистерімен біріктірілген вирусқа қарсы емді қолданып емдеу жөніндегі деректер жеткіліксіз. ВГВ қайта белсенділенген жағдайда, пациенттерде Хумира® препаратын қолдануды тоқтату және сәйкесінше демеуші еммен вирусқа қарсы тиімді емді бастау керек.

Неврологиялық асқынулар

Сирек жағдайларда, ІНФ антагонистерін, соның ішінде Хумира® препаратын қолдану орталық жүйке жүйесінің миелинсіздендіргіш ауруының, соның ішінде жайылған склероз бен көру жүйкесінің невритінің, сондай-ақ шеткері миелинсіздендіргіш аурулардың, соның ішінде Гийен-Барре синдромының жаңа дамуымен немесе клиникалық симптомдарының және/немесе рентгенологиялық белгілерінің өршуімен байланысты болды. Емді тағайындайтын дәрігерлерге, орталық немесе шеткері жүйке жүйесінің бұрыннан бар немесе жуырда туындаған миелинсіздендіргіш бұзылулары бар пациенттерде Хумира® препаратын қолдану мүмкіндігін қарастырғанда сақтық таныту керек. Жоғарыда сипатталған құбылыстар дамыған жағдайда, Хумира® препаратын тоқтату мүмкіндігін қарастыру керек.

Аллергиялық реакциялар

Клиникалық зерттеулер барысында Хумира® препаратын қолданумен байланысты ауыр аллергиялық реакцялар сирек байқалды. Клиникалық зерттеулер барысында Хумира® препаратын қолданумен байланысты ауыр емес аллергиялық реакциялар жағдайлары жиі байқалған жоқ. Ауыр аллергиялық реакциялар жағдайлары, соның ішінде, Хумира® препаратын енгізгеннен кейінгі анафилаксия туралы хабарламалар болды. Анафилаксиялық реакция немесе басқа ауыр аллергиялық реакция туындаған жағдайда, Хумира® препаратын енгізуді тез арада тоқтату және сәйкесінше емді бастау керек.

Иммунитеттің бәсеңдеуі

Ревматоидтық артриті бар, Хумира® препаратымен ем қабылдаған 64 пациенттегі зерттеу барысында баяу типті аса жоғары сезімталдықтың, иммуноглобулиндер деңгейінің бәсеңдеуінің, немесе Т-, В-, NK-жасушалар-эффекторлар, моноциттер/макрофагтар мен нейтрофилдер санының өзгеруінің қандай-бір белгілері байқалған жоқ.

Қатерлі жаңа түзілімдер және лимфопролиферациялық бұзылулар

ІНФ антагонистерінің клиникалық зерттеулерінің бақыланатын бөлігі барысында, бақылау тобындағы пациенттермен салыстырғанда, ІНФ антагонисін қабылдаған пациенттер арасында қатерлі ісіктердің, соның ішінде лимфоманың көп жағдайлары байқалды. Алайда олар сирек орын алды. Тіркеуден кейінгі кезеңде ІНФ антагонисімен ем қабылдаған пациенттерде лейкемия жағдайлары туралы хабарланды. Ұзаққа созылған ревматоидтық артриті, қауіпті бағалауды қиындататын өте белсенді қабыну ауруы бар пациенттер лимфома мен лейкемия дамуының негізгі аса үлкен қаупіне бейім. Қолда бар деректерге сәйкес, ІНФ антагонисімен ем қабылдаған пациенттерде лимфома, лейкемия және басқа қатерлі ісіктердің түзілу қаупінің мүмкіндігін жоққа шығаруға болмайды.

Тіркеуден кейінгі кезеңде, ІНФ антагонистерімен (емдеудің басталуы ≤18 жас шамасында), соның ішінде адалимумабпен ем қабылдаған балалар, жасөспірімдер мен жастар арасында (22 жасқа дейінгі) кейбіреулері өлімге соқтырған қатерлі ісік жағдайлары туралы хабарланды. Жағдайлардың шамамен жартысында бұл лимфома болды. Қалған жағдайларда ол түрлі қатерлі ісіктер және соның ішінде, әдетте иммунитеттің бәсеңдеуімен байланысты сирек кездесетін қатерлі ісіктер болды. ІНФ антагонистерімен ем қабылдаған балалар мен жасөспірімдерде қатерлі ісіктердің түзілу қаупін жоққа шығаруға болмайды.

Тіркеуден кейінгі кезеңде адалимумабпен ем қабылдаған пациенттерде бауыр мен көкбауырдың Т-жасушалы лимфомасының сирек жағдайлары білінген. Т-жасушалы лимфоманың сирек түрі аурудың өте белсенді ағымды және әдетте өлім тудыратын түрі болып табылады. Хумира® препаратын қолданғанда, ішектің қабыну ауруына қатысты азатиопринмен немесе 6-меркаптопуринмен қатарлас емдеу кезінде жас пациенттерде бауыр мен көкбауырдың мұндай Т-жасушалы лимфомасы туындаған кейбір жағдайлар байқалған. Азатиопринді немесе 6-меркаптопуринді Хумира® препаратымен біріктіріп қолданудың ықтимал қаупін мұқият ескеру керек. Хумира® препаратымен ем қабылдап жүрген пациенттерде бауыр мен көкбауырдың Т-жасушалы лимфомасының даму қаупін жоққа шығаруға болмайды.

Анамнезінде қатерлі ісігі бар немесе қатерлі ісіктің түзілгеннен кейін Хумира® препаратымен емделуді жалғастырып жатқан пациенттердің қатысуымен зерттеулер жүргізілген жоқ. Осылайша, ондай пациенттерде Хумира® препаратымен ем тағайындаған кезде аса сақтық таныту керек.

Барлық пациенттер, атап айтқанда, медициналық анамнезінде иммунодепрессанттармен көбірек емделген пациенттер немесе анамнезінде ПУВА емі жүргізілген псориазы бар пациенттер Хумира® препаратымен емдеу басталғанға дейін және емделу кезінде терінің меланомалық емес обырының бар-жоқтығына тексеруден өтуі тиіс. Сонымен қатар, ІНФ антагонистерімен, соның ішінде адалимумабпен ем қабылдаған пациенттерде меланома және Меркель жасушаларындағы карцинома жағдайлары туралы хабарланған.

Ауырлығы орташа немесе ауыр дәрежедегі өкпенің созылмалы обструкциялық ауруы (ӨСОА) бар инфликсимабпен ем қабылдаған пациенттерде ІНФ басқа антагонисі, инфликсимабты қолдануды бағалауға арналған іздестірушілік клиникалық зерттеудің барысында бақылау тобындағы пациенттермен салыстырғанда, пациенттерде (негізінен өкпедегі, бас пен мойындағы) қатерлі ісіктердің жағдайлары көбірек хабарланған. Барлық пациенттер дағдылы шылымқорлар болған. Осыған байланысты, ӨСОА бар пациенттерде, сондай-ақ, шылым шегу себепті қатерлі ісіктің түзілу қаупі жоғары пациенттерде қандай-да бір ІНФ антагонисін қолданғанда сақтық таныту керек.

Қолда бар деректерге сәйкес, адалимумабпен емдеудің дисплазия немесе жуан ішек обырының даму қаупіне әсер ететін-етпейтіндігі белгісіз. Ойық жаралы колиті бар, дисплазия немесе жуан ішек обырының даму қаупі жоғары (мысалы, ұзаққа созылған ойық жаралы колиті немесе бастапқы склероздаушы холангиті бар пациенттер) топқа жататын, немесе анамнезінде осының алдында дисплазиясы немесе жуан ішектің обыры болған барлық пациенттер емдеу басталғанға дейін және барлық ауру кезеңі бойына жүйелі түрде дисплазияға қатысты тексеруден өтуі тиіс. Бұл бағалауға жергілікті ұсынымдарға сәйкес, колоноскопия және биопсия кіруі тиіс.

Гематологиялық реакциялар

ІНФ антагонистерін қолданғанда панцитопенияның, соның ішінде апластикалық анемияның сирек жағдайлары туралы хабарланды. Хумира® препаратын қолданғанда қан жүйесі тарапынан жағымсыз құбылыстар, соның ішінде клиникалық тұрғыдан елеулі цитопения (мысалы, тромбоцитопения, лейкопения) туралы хабарланды. Барлық пациенттерге Хумира® препаратымен емделу кезінде, егер оларда келесі белгілер мен симптомдар: тұрақты қызба, қанталаулар, қан кету немесе бозару байқалса, дереу дәрігерге хабарласуға кеңес берілуі тиіс. Гематологиялық көрсеткіштерінің нормадан елеулі ауытқулары расталған пациенттерде Хумира® препаратымен емдеуді тоқтату мүмкіндігін қарастыру керек.

Вакцинация

Ревматоидтық артриті бар, адалимумабпен ем немесе плацебо қабылдаған 226 ересек пациенттегі зерттеу барысында стандартты 23-валентті пневмококтық вакцина мен тұмау вирусына қарсы үшвалентті вакцинаға антиденелердің ұқсас жауаптары байқалған. Хумира® препаратын қабылдап жүрген пациенттерде тірі вакциналар арқылы салдарлы инфекцияның берілгендігі туралы деректер жоқ.

Бала жастағы пациенттерге, егер мүмкін болса, Хумира® препаратымен емдеу басталғанға дейін, вакцинациялау жөніндегі қолданыстағы нұсқаулықтарға сәйкес, барлық заманауи вакцинациялардан өту ұсынылады.

Хумира® препаратын қабылдап жүрген пациенттер тірі вакциналардан басқа, қатарлас вакцинациядан өтуіне болады. Тірі вакциналарды анасының құрсағында адалимумабтың әсеріне ұшыраған сәбилерге, адалимумабтың анасына жүктілік кезінде жасалған соңғы инъекциясынан кейін 5 ай ішінде енгізу ұсынылмайды.

Жүректің созылмалы жеткіліксіздігі

ІНФ басқа антагонисін қолданып жүргізілген клиникалық зерттеудің барысында жүректің созылмалы жеткіліксіздігінің нашарлауы мен жүректің созылмалы жеткіліксіздігі нәтижесінде өлім деңгейінің жоғарылағаны байқалды. Хумира® препаратын қабылдаған пациенттерде жүректің созылмалы жеткіліксіздігі нашарлаған жағдайлар туралы да хабарланған. Хумира® препаратын жеңіл дәрежедегі жүрек жеткіліксіздігі (NYHA бойынша I/II класы) бар пациенттерде сақтықпен қолдану керек. Хумира® препараты ауырлығы орташа немесе ауыр дәрежедегі жүрек жеткіліксіздігі кезінде қарсы көрсетілімді. Жүрек жеткіліксіздігінің жаңа жағдайы дамыса немесе симптомдары нашарласа, пациенттерді Хумира® препаратымен емдеу тоқтатылуы тиіс.

Аутоиммундық үдерістер

Хумира® препаратымен емдеу аутоиммундық антиденелердің түзілуіне алып келуі мүмкін. Хумира® препаратымен емдеудің ұзақ уақыт бойы аутоиммундық аурулардың дамуына ықпалы белгісіз. Егер пациентте Хумира® препаратымен емдеу кезінде қызылжегі тәрізді синдромның дамуын көрсететін, және екітізбекті ДНҚ-ға антиденелерге жүргізілген тестінің оң нәтижесін көрсететін симптомдар байқалса, онда Хумира® препаратымен ары қарай емдеуді жүргізбеу керек.

Ревматоидтық артритті емдеуге арналған биологиялық базистік препараттарды (БПВП) немесе ІНФ антагонистерін бір мезгілде қолдану

Клиникалық зерттеулер барысында анакинраны ІНФ басқа антагонисімен, этанерцептпен бір мезгілде қолданғанда, этанерцептпен монотерапиямен салыстырғанда, қосымша клиникалық әсерінсіз күрделі инфекциялар жағдайлары байқалды. Анакинрамен біріктіріп этанерцептпен емдеу кезінде байқалған жағымсыз құбылыстардың сипатына байланысты, осыған ұқсас уыттылығы анакинраны ІНФ басқа антагонисімен біріктіріп қолданғанда да байқалуы мүмкін. Осылайша, адалимумабты анакинрамен біріктіріп қолдану қарсы көрсетілімді.

Инфекциялардың, соның ішінде ауыр инфекциялардың даму қаупі мен басқа фармакологиялық өзара әрекеттесулерінің ықтималдығын ескерсек, адалимумабты басқа биологиялық БПВП (мысалы, анакинрамен және абатацептпен) немесе ІНФ басқа антагонистерімен бір мезгілде енгізу ұсынылмайды.

Хирургиялық араласым

Хумира® препаратымен ем қабылдаған пациенттерде хирургиялық емшараларды қауіпсіз жүргізу тәжірибесі шектеулі. Хирургиялық емшараны жүргізуді жоспарлағанда, адалимумабтың жартылай шығарылу кезеңінің ұзақтығын ескеру керек. Хирургиялық араласым қажет пациентті, Хумира® препаратымен емделу кезінде инфекциялардың дамуына қатысты мұқият қадағалау және сәйкесінше шараларды қолдану қажет. Артропластика жүргізілген пациенттерде Хумира® препаратын қауіпсіз қолдану тәжірибесі шектеулі.

Жіңішке ішектің бітелуі

Крон ауруын емдеуге жауаптың болмауы хирургиялық араласымды қажет ететін орныққан фиброздық стеноздың бар екендігін білдіруі мүмкін. қолда бар деректер Хумира® препаратын қолдану стеноздарды туғызбайтынын және нашарлатпайтынын көрсетеді.

Егде жастағы пациенттер

65 жастан асқан, Хумира® препаратымен ем қабылдаған пациенттер арасындағы ауыр инфекциялардың жиілігі 65 жасқа дейінгі пациенттерге қарағанда жоғары болды: сәйкесінше 1,4%-бен салыстырғанда 3,6%. Олардың кейбіреулері өліммен аяқталған. Егде жастағы адамдарды емдеуде, инфекцияның даму қаупіне ерекше көңіл бөлу керек.

Хумира® препаратын (шприцтер) бөлме температурасында сақтау мүмкіндігі

Қажет болған жағдайда (мысалы, саяхаттау кезінде), Хумира® препаратын бөлме температурасында (25°C-ге дейінгі) жарықтан қорғалған жерде 14 күннен асырмай сақтауға жол беріледі. Тоңазытқыштан шығарып алған сәттен бастап, шприц 14 күн ішінде пайдаланылуы тиіс. Егер шприц тоңазытқыштан шығарып алғаннан кейін аталған мерзім ішінде пайдаланылмаса, ол жойылуы тиіс. Қолайлы болуы үшін, шприцтің тоңазытқыштан шығарып алынған күні мен препараттың пайдаланылуы керек мерзімін жазып қою ұсынылады.

Жүктілік және лактация кезеңі

Жүктілік

Эмбриофетальді перинатальді уытты дамуды зерттеу шаян жегіш макакаларда (ява макакалары) 40 мг тері астына тағайындағанда адам AUC-нан 373 есе 100 мг/кг дейінгі дозаларда жүргізілді және шарана үшін адалимумабтан болатан зиян белгілері анықталмады. Жүктіліктің ерте кезеңіндегі пациенттердің проспективті когортасына мыналар кірді: адалимумабпен, кемінде, бірінші триместр ішінде (адалимумабпен ем алған топ) ем алған ревматоидты артриті немесе Крон ауруы бар 257 әйел, адалимумабпен ем алмаған ревматоидты артриті немесе Крон ауруы бар 120 әйел.

Ұсақ туа біткен ақаулар, спонтанды түсік, мерзімінен бұрын босану, туған кездегі слмақтың аздығы және күрделі немесе оппортунистік инфекциялар кіретін салдарлы соңғы нүктелер сияқты, негізгі туа біткен ақаулардың (мүмкіндіктердің түзетілген арақатынасы 0,84, 95 % сенімді аралық (СА) 0,34, 2,05) бастапқы соңғы нүктесінің жалпы көрсеткіштерінде елеулі айырмашылықтар байқалмады. Өлі туу жағдайлары немесе қатерлі жаңа түзілімдер туралы хабарланбады.

Регистрде таңдаудың аздаған мөлшерін және зерттеудің рандомизацияланбағанын қоса, әдістемелік шектеулер болғанмен, деректер адалимумабпен ем алмаған ревматоидты артриті немесе Крон ауруы бар әйелдермен салыстырғанда адалимумабпен ем алған ревматоидты артриті немесе Крон ауруы бар әйелдерде жағымсыз аяқталудың жоғарғы қаупін көрсетпеді. Одан өзге, постмаркетингтік қадағалау деректері аталған дәрілік затты қолданумен байланысты қауіптің болуын анықтамайды.

Адалимумаб жүктілік кезінде адалимумаб қабылдаған әйелдерден плацента арқылы жаңа туған балалардың қан сарысуына өтуі мүмкін. Демек, бұл балаларда инфекция жұқтыру қаупі жоғары болуы мүмкін. Құрсақ ішінде адалимумабтың әсеріне ұшыраған сәбилерге тірі вакциналарды жүктілік кезінде анасында адалимумабтың соңғы инъекциясынан кейін 5 ай ішінде қолдану ұсынылмайды.

Босану

Хумира® препаратының босануға әсер етуі жөнінде деректер жоқ.

Емшек емізу кезеңі

Шектеулі жарияланған деректер адалимумаб емшек сүтіне өте төмен концентрацияларда (адалимумабтың ана сүтінде 0,1 %-дан ана сарысуы деңгейінің 1 % дейінгі концентрацияларда болуымен) экскрецияланатынын көрсетеді. G иммуноглобулиннің пероральді жұтылған ақуыздары ішекте протеолизге ұшырайтынын және биожетімділігі нашар екендігін ескере отырып, емшектегі балада адалимумабпен байланысты жүйелі әсерлер болуы ықтималдығы аз. Адалимумабты ана үшін болжамды пайда балаға төнетін потенциалды қауіптен басым жағдайда ғана қолдану керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Хумира® препараты көлік құралдары мен басқа механизмдерді басқару қабілетіне болар-болмас әсер етуі мүмкін, өйткені препаратты қолданудың аясында бас айналуы мен көру бұзылулары байқалуы мүмкін.

Клиникалық зерттеулер барысында дозасын шектейтіндей уыттылығының қандай-да бір құбылыстары байқалған жоқ. Ең жоғары бағаланған дозасы ұсынылған дозасынан шамамен 15 есе артық көп реттік венаішілік 10 мг/кг дозасы болып табылды.

Шығарылу түрі және қаптамасы

Тері астына енгізуге арналған 40 мг/0,4 мл ерітінді.

0,4 мл-ден I типті түссіз шыныдан жасалған (Еур. Фарм.). 1 шприцтен 70 % изопропил спирті сіңірілген 1 сүрткімен бірге ПВХ/ПЭТГ және қағаздан/ламинацияланған қағаздан жасалған пішінді ұяшықты қаптамада. 1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшада.

Жарықтан қорғалған жерде, 2-ден 8 °С-ге дейінгі температурада сақтау керек. Мұздатып қатыруға болмайды. Балалардың қолы жетпейтін жерде сақтау керек.

2 жыл.

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Веттер Фарма-Фертигунг ГмбХ және Ко. КГ, Германия

Vetter Pharma-Fertigung GmbH & Co. KG, Germany

Мекенжайы: Schutzenstrasse 87, Ravensburg, 88212, Germany

Қаптаушы

Веттер Фарма-Фертигунг ГмбХ және Ко. КГ, Германия/

Vetter Farma-Fertigung GmbH & Co.KG, Germany

Мекенжайы: Mooswiesen 2, 88214 Ravensburg, Germany

Эббви Биофармасьютикалс ГмбХ, Швейцария

AbbVie Biopharmaceuticals GmbH, Switzerland.

Мекенжайы: Neuhofstrasse 23, 6341 Baar, Switzerland.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық поштасы)

Қазақстан Республикасындағы AbbVie Biopharmaceuticals GmbH компаниясының өкілдігі:

Алматы қ-сы, 050040, Тимирязев к-сі 28в, «Алатау Гранд» БО, тел. +7 727 222 14 18, факс. +7 727 398 94 88,

эл. поштасы: kz_ppd_pv@abbvie.com.

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық поштасы)Қазақстан Республикасындағы AbbVie Biopharmaceuticals GmbH компаниясының өкілдігі:

Алматы қ-сы, 050040, Тимирязев к-сі 28в, «Алатау Гранд» БО, тел.: +7 727 222 14 18, факс: +7 727 398 94 88, эл. поштасы: kz_ppd_pv@abbvie.com

шприцТЕГІ хУМИРА® ПРЕПАРАТЫНЫҢ ИНЪЕКЦИЯСЫН ДАЙЫНДАУ ЖӘНЕ ЖҮРГІЗУ ЖӨНІНДЕГІ НҰСҚАУЛЫҚ

• Қолыңызды мұқият жуыңыз.

• Хумира® препараты бар бір шприцті және спирт сіңірілген бір сүрткіні қаптамадан шығарып алып, таза беткейге қойыңыз.

• Шприцте көрсетілген Хумира® препаратының сақтау мерзімі өтпегеніне көз жеткізіңіз.

• Хумира® препараты мөлдір түссіз немесе сарғыш ерітінді түрінде келеді. Егер сұйықтық бұлыңғыр болса, құрамында қауыздар немесе бөлшектер болса немесе өзінің түсін өзгертсе препаратты пайдаланбаңыз.

• Орынды іш немесе жамбастың алдыңғы беткейінен таңдаңыз.

• Инъекция орындарын және жақтарын ауыстыру керек.

• Әрбір келесі енгізу орны алдыңғысынан кемінде 3 см қашық болуы тиіс.

• Препаратты терідегі ауырсыну, қызару, қатаю немесе қанталау бар жерге енгізуге болмайды. Бұл белгілер инфекцияның бар екенін көрсетуі мүмкін.

• Инъекция аумағын айналдыра спиртті сүрткімен өңдеу қажет.

3) Хумира®препаратын енгізу

• Шприцті сілкімеңіз.

• Инеге тимей және басқа беткейлерге жанаспай қалпақшаны инеден шығарып алыңыз.

• Бір қолыңызбен өңделген аумақты жиырып ұстаңыз.

• Екінші қолыңызбен шприцті ұстап, оны градуирленген беткеймен жоғары қаратып тері беткейінде 45º бұрышта ұстаңыз.

• Тез, шалт бір қимылмен инені тері қатпарына толық енгізіңіз.

• Инені енгізгеннен кейін тері қатпарын жіберіңіз.

• 2-5 секунд ішінде бүкіл ерітіндіні енгізіңіз.

• Ерітіндіні енгізгеннен кейін (шприц босаған кезде) сол бұрышта инені теріден шығарып алыңыз.

• Инъекция аумағын дәке түйірімен 10 секундтай сәл басып тұрыңыз, бірақ ешбір жағдайда беткейін ысқыламаңыз. Инъекция орнынан аздаған мөлшерде қан шығуы мүмкін. Қалауыңызша, бұласырды пайдалануға болады.

• Шприцті қайтадан пайдаланбаңыз.